ایک نیوز: (محمد سلمان) ایم کیو ایم اور ن لیگ میں قربتیں بڑھنے لگیں۔ ایم کیو ایم وفد کل لاہور میں نواز شریف سے ملاقات کرے گا۔
تفصیلات کے مطابق سابق وزیراعظم شہباز شریف نے ایم کیوایم کنوینئر خالد مقبول صدیقی سے ٹیلی فونک رابطہ کیا ہے۔ شہباز شریف نے خالد مقبول سے انکی والدہ کی بیماری پر مزاج پرسی کی۔
شہباز شریف نے ایم کیوایم کنوینئر کو سربراہ ن لیگ میاں نواز شریف سے ملاقات کی بھی دعوت دی۔ شہباز شریف کی دعوت پر ایم کیوایم وفد کل لاہور میں نواز شریف سے ملاقات کرے گا۔
ایم کیوایم وفد کی سربراہی خالد مقبول کریں گے۔ ملاقات میں ملکی سیاسی صورتحال اور الیکشن کے حوالے سے بات چیت کی جائے گی۔