عام انتخابات کی تیاری: پریزائیڈنگ آفیسرز اور عملے کی فہرست فائنل

ایک نیوز: الیکشن کمیشن نے عام انتخابات کی تیاریاں تیزکردیں۔ الیکشن کمیشن نے پریذائیڈنگ افسران، اسسٹنٹ پریزائیڈنگ افسران اور پولنگ عملے کی فہرست مرتب کر لی۔

ذرائع الیکشن کمیشن کے مطابق ملک بھر میں کل 100,7361 افسران کو تعینات کیا جائے گا، پنجاب میں 54,706 پریذائیڈنگ افسران، 310,968 اسسٹنٹ پریذائیڈنگ افسران اور 160,445 پولنگ سٹاف کو الیکشن ڈیوٹیاں سونپی جائیں گی۔ صوبے میں مجموعی طور پر 526,123 افسران کو تعینات کیا جائے گا۔

سندھ میں 20,315 پریذائیڈنگ افسران، 162,523 اسسٹنٹ پریذائیڈنگ افسران اور 81,262 پولنگ عملہ تعینات کیا جائے گا، جس سے صوبے میں افسران کی کل تعداد 264,100 ہو جائے گی۔

خیبرپختونخوا میں 16,525 پریذائیڈنگ افسران، 100,085 اسسٹنٹ پریذائیڈنگ افسران اور 50,045 پولنگ عملہ تعینات کیا جائے گا، جس سے مجموعی طور پر 166,655 افسران ہوں گے۔ 

بلوچستان میں مجموعی طور پر 50,491 افسران کو نامزد کیا جائے گا، جن میں 5,266 پریذائیڈنگ افسران، 30,150 اسسٹنٹ پریذائیڈنگ افسران اور 15,075 پولنگ عملہ شامل ہیں۔