ایک نیوز نیوز: وزیر اعظم پاکستان، وزیر اعظم آزاد کشمیر اور صوبوں کے وزرائے اعلیٰ نے قومی کرکٹ ٹیم کو جیت کی مبارک باد دی ہے۔
تفصیلات کے مطابق وزیر اعظم شہباز شریف نے ایک ٹوئٹ میں قومی کرکٹ ٹیم کو جیت کی مبارک باد دیتے ہوئے کہا ہے کہ یہ بڑا لمحہ ہے، آپ سب کو بہت بہت مبارک ہو، پاکستان اور نیدرلینڈز نے بہترین کھیلا۔
Big moment. Congratulations to all of you. Well played, Pakistan ???????? … and Netherlands :)
— Shehbaz Sharif (@CMShehbaz) November 6, 2022
وزیر اعظم آزاد کشمیر سردار تنویر الیاس نے قومی کرکٹ ٹیم کو ٹی 20 ورلڈ کپ سیمی فائنل میں پہنچنے پر مبارک باد دیتے ہوئے کہا پاکستان کرکٹ ٹیم کی پرفارمنس بہترین رہی، کشمیریوں کو قومی ٹیم کی سیمی فائنل میں رسائی کی بے حد خوشی ہے۔
پاکستان کرکٹ ٹیم کی بنگلہ دیش کے خلاف اعصاب شکن میچ میں شاندار جیت اور سیمی فائنل تک رسائی پر ٹیم سمیت پوری قوم کو مبارک باد
— Sardar Tanveer Ilyas Khan (@SardarTanveerIK) November 6, 2022
انشاءاللہ قومی کرکٹ ٹیم ورلڈ کپ میں سرخرو ہو کر لوٹے گی#WorldCup2022#PAKvsBAN pic.twitter.com/jWWz7RFYfP
وزیر اعلیٰ سندھ مراد علی شاہ نے قومی کرکٹ ٹیم کو بنگلادیش کو شکست دینے پر مبارک باد دی، اور کہا کہ ان شااللہ اب پاکستانی ٹیم سیمی فائنل میں بھی کامیابی حاصل کرے گی، اور امید ہے قومی کرکٹ ٹیم ورلڈ کپ پاکستان کے نام کرے گی۔
وزیر اعلیٰ پنجاب چوہدری پرویز الہٰی نے ٹوئٹ میں قومی کرکٹ ٹیم کو شاباشی دی، لکھا قوم کی دعائیں ساتھ ہیں پاکستان ورلڈ کپ جیتے گا۔ اسپیکر اور ڈپٹی اسپیکر قومی اسمبلی نے بھی قومی ٹیم کو سیمی فائنل میں کوالیفائی کرنے پر مبارک باد دی ہے۔
شاباش قومی کرکٹ ٹیم شاباش! ٹی ٹونٹی ورلڈ کپ کے اہم میچ میں بنگلہ دیش کےخلاف جیت اورسیمی فائنل کےلئے کوالیفائی کرنے پر قومی کرکٹ ٹیم کو مبارک باد۔قومی کرکٹ ٹیم نے بنگلہ دیش کےخلاف میچ میں عمدہ کھیل اور بہترین صلاحیتوں کا مظاہرہ کیا۔قوم کی دعائیں ساتھ ہیں پاکستان ورلڈ کپ جیتے گا۔
— Ch Parvez Elahi (@ChParvezElahi) November 6, 2022
واضح رہے کہ پاکستان ٹی 20 ورلڈ کپ کے سیمی فائنل میں پہنچ گیا ہے، ڈو اور ڈائی میچ میں پاکستان نے بنگلادیش کو 5 وکٹ سے شکست دے دی، ایڈیلیڈ میں بنگلادیشی ٹیم پہلے کھیل کر 8 وکٹ پر 127 رنز بنا سکی تھی، پاکستان کی جانب سے ہدف کے تعاقب میں محمد حارث نے 18 گیندوں پر 31 رنز کی جارحانہ اننگز کھیلی، 4 وکٹیں لینے والے شاہین شاہ آفریدی کو پلیئر آف دی میچ قرار دیا گیا۔
پاکستان نے سب سے زیادہ چھٹی مرتبہ سیمی فائنل میں جگہ بنا لی ہے، ٹی 20 ورلڈ کپ کی چاروں سیمی فائنلسٹ کا فیصلہ بھی ہو گیا ہے، پاکستان، بھارت، نیوزی لینڈ اور انگلینڈ سیمی فائنل میں پہنچ گئی ہیں۔