ایک نیوز : پیپلز پارٹی کے بانی و سابق وزیر اعظم ذوالفقار علی بھٹو کی پوتی اور میر مرتضیٰ بھٹو کی صاحبزادی فاطمہ بھٹو کو بالی ووڈ اداکارہ سوارا بھاسکر کی جانب سے شادی کی مبارک باد موصول ہوئی۔
SO many congratulations Fatima! ????????????????
— Swara Bhasker (@ReallySwara) May 4, 2023
Wishing you both a lifetime of joy & togetherness. ♥️???? https://t.co/Evk80H9GMn
مائیکرو بلاگنگ سائٹ ٹوئٹر پر بھارتی اداکارہ نے ٹوئٹ کرتے ہوئے شادی کے بندھن میں بندھنے والی فاطمہ بھٹو کو مبارک باد پیش کی۔
انہوں نے ٹوئٹ کرتے ہوئے لکھا کہ ’بہت بہت مبارک ہو فاطمہ!، دعاگو ہوں کہ آپ دونوں زندگی بھر ساتھ اور خوش رہیں‘۔
بھارتی اداکارہ کی جانب سے نیک خواہشات موصول ہونے پر جواباً فاطمہ بھٹو نے بھی ان کا خصوصی شکریہ ادا کیا۔
یاد رہے کہ 28 اپریل 2023 کو فاطمہ بھٹو امریکی شہری گراھم بائرا (جبران) کے ساتھ نکاح کے بندھن میں بندھ گئی تھیں، ان کے نکاح کی مختصر اور سادہ تقریب ان کے آبائی گھر 70 کلفٹن میں منعقد ہوئی تھی جس میں قریبی رشتہ داروں، عزیز و اقارب اور دوستوں نے شرکت کی۔