ایک نیوز: سعید غنی کا کہنا ہے کہ اسرائیلی اور بھارتیوں نے پی ٹی آئی کو فنڈنگ کیوں کی؟
کراچی میں میڈیا سے گفتگو کرتے ہوئے صوبائی وزیر سعید غنی نے کہا کہ بھارتی پی ٹی آئی کو فنڈنگ کرتے رہے ہیں جس کا پی ٹی آئی نے حق ادا کیا ہے۔بھارتی وزیر خارجہ نے جو رویہ اختیار کیا وہ مناسب نہیں تھا، بلاول بھٹو نےکشمیر کےمعاملے کو دنیا کے سامنے رکھا ہے۔
سعید غنی نے کہا کہ ابھی الیکشن ہوا نہیں کہ حافظ نعیم نے دھاندلی کا شور مچانا شروع کر دیا، خواجہ آصف جو باتیں کر رہے ہیں ان پر غور کرنے کی ضرورت ہے۔ سابق چیف جسٹس افتخار چوہدری، گلزار احمد، ثاقب نثار سے پوچھ گچھ ہونی چاہیے ہے۔ افتخار چوہدری نے پیپلز پارٹی سے بڑی زیادتیاں کی ہیں، ثاقب نثار کا بیٹا پی ٹی آئی کی ٹکٹیں بیچ رہا ہے۔
پیپلز پارٹی کے رہنما نے کہا کہ افتخار چوہدری کے بیٹے کا کس کو نہیں معلوم، گلزار کی بھی کہانیاں نکلیں گی۔ اگر پاکستان ان مسائل میں ہیں کیا یہ سیاستدانوں کی وجہ سے ہے؟ 2018 میں دھاندلی کی گئی اور اسٹیبلشمنٹ نے انہیں بنایا اور چلایا۔