ایک نیوز :رحیم یارخان میں گزشتہ روز کھیلنے کے دوران تین بھائی نہر میں ڈوب کر جاں بحق ہوگئے تھے۔ ڈوبنے والے تینوں بھائیوں کی نماز جنازہ ادا کر دی گئی۔
رحیم یارخان کے علاقہ فتح پورکمال میں محمدصادق کاگھر نہررحیم یارخان برانچ کے نزدیک واقع ہے۔ اس کے 3 بیٹے گزشتہ روز گھر سے نکل کر نہر کنارے کھیل رہے تھے کہ اچانک تینوں نہر میں جاگرے۔ ریسکیو اہلکاروں نے پہنچ کرڈوبنے والے دو بچوں کی لاشوں کوہیڈبنگلہ شیخاں کے قریب نہر سے نکال لیا تھا جبکہ اندھیرا ہونے پر ریسکیو آپریشن کو روک دیا گیا۔
آج صبح ریسکیو آپریشن دوبارہ شروع کیا گیا اورغوطہ خوروں نے تیسرے بچے کی لاش نکال کر ورثا کے حوالے کردی،تینوں بچوں کی نماز جنازہ بستی ڈنگر اں میں ادا کر دی گئی جس میں سینکڑو ں افراد نے شرکت کی۔