ایک نیوز: مودی سرکار کے مذہبی رواداری کے دعوے کھوکھلے نکلے۔ نریندر مودی کی اپنی جماعت کے رہنما نے نچلی ذات کے قبائلی پر پیشاب کردیا۔ جس کی ویڈیو سوشل میڈیا پر وائرل ہوگئی تھی۔
تفصیلات کے مطابق سوشل میڈیا پر ویڈیو وائرل ہونے کے بعد مدھیہ پردیش کی انتظامیہ حرکت میں آئی اور بی جے پی رہنما پرویش شکلا کو قبائلی شخص پر پیشاب کرنے کی غلیظ حرکت پر گرفتار کرلیا اور میڈیکل ٹیسٹ کے لیے نمونے لے لیے۔ اس کے علاوہ انتظامیہ نے ملزم کی غیرقانونی تعمیر کو بھی منہدم کردیا ہے۔
#WATCH | Madhya Pradesh | The accused of Sidhi viral video, Pravesh Shukla was taken for medical test on 5th July after he was arrested late at night.
— ANI MP/CG/Rajasthan (@ANI_MP_CG_RJ) July 6, 2023
(Video: Viral video) pic.twitter.com/lUjkQqO5We
دوسری جانب مدھیہ پردیش کے ضلع سدھی میں ظلم کا شکار بننے والا قبائلی نوجوان دشمت صبح وزیر اعلیٰ کی رہائش گاہ پہنچا۔ جہاں وزیر اعلیٰ شیوراج سنگھ چوہان نے اس کے پاؤں دھوئے اور معافی بھی مانگی۔
मन दु:खी है; दशमत जी आपकी पीड़ा बाँटने का यह प्रयास है, आपसे माफी भी माँगता हूँ, मेरे लिए जनता ही भगवान है! pic.twitter.com/7Y5cleeceF
— Shivraj Singh Chouhan (@ChouhanShivraj) July 6, 2023
مدھیہ پردیش کے وزیر اعلی شیوراج سنگھ چوہان نے متاثرہ دشمت راوت کے ساتھ بھوپال کے اسمارٹ سٹی پارک کا دورہ کیا اور قبائلی کی عزت افزائی کرتے ہوئے وزیراعلیٰ ہاؤس کے لان میں اس کے ہاتھ سے پودا بھی لگوایا۔
اس موقع پر وزیراعلی چوہان کا کہنا ہے کہ ہر غریب آدمی بھگوان کا روپ ہے اور دشمت کو بھی وہ بھگوان ہی مانتے ہیں۔
یادرہے ملزم مبینہ بی جے پی لیڈر پرویش شکلا کو پولیس نے گرفتار کر لیا اور اس کے گھر کو بلڈوز کر دیا گیا۔
مدھیہ پردیش کے سابق وزیر اعلیٰ کمل ناتھ نے کہا کہ اس واقعے نے پورے مدھیہ پردیش کا سر شرم سے جھکا دیا۔ کانگریس کے ترجمان عباس حفیظ نے کہا کہ پرویش شکلا بی جے پی کا رکن ہے۔
واقعے سے متعلق پرویش کے والد رما کانت نے کہا کہ اس کے بیٹے کو بی جے پی کا رکن ہونے کی وجہ سے سیاسی نشانہ بنایا جا رہا ہے۔
#WATCH | Madhya Pradesh Chief Minister Shivraj Singh Chouhan visits Smart City Park in Bhopal along with victim Dashmat Rawat and plants saplings.
— ANI (@ANI) July 6, 2023
In a viral video from Sidhi, accused Pravesh Shukla was seen urinating on Rawat. Shukla was arrested on 5th July and his illegal… pic.twitter.com/ccna4NXdCa