ویب ڈیسک:آئی ایس پی آر کے مطابق سکیورٹی فورسز نے شمالی وزیرستان کے ضلع حسن خیل کے علاقے میں انٹیلی جنس پر مبنی آپریشن کیا، جس کے نتیجے میں 12خوارج مارے گئے۔
پاک فوج کے شعبہ برائے تعلاقاتِ عامہ (آئی ایس پی آر) کے مطابق شدید فائرنگ کے تبادلے میں لانس نائیک محمد ابراہیم بہادری سے لڑتے ہوئے شہید ہوگئے۔
ترجمان پاک فوج کے مطابق مارے گئے خوارج کے قبضے سے اسلحہ اور گولہ بارود بھی برآمد ہوا، مارے گئے خوارج دہشتگردی کی متعدد کارروائیوں اورمعصوم شہریوں کی ٹارگٹ کلنگ میں بھی سرگرم رہے۔
آئی ایس پی آر کا کہنا ہے کہ علاقے میں کسی اور خارجی کو ختم کرنے کیلئے سینی ٹائزیشن آپریشن جاری ہے، سکیورتی فورسز دہشتگردی کی لعنت کو ختم کرنے کیلئے پرعزم ہیں۔
ترجمان پاک فوج کے مطابق ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
کیپشن: Operation of security forces in North Waziristan, 12 Khawarij Jahanam Wasil