ایک نیوز: پاکستان ٹیلی کمیونی کیشن اتھارٹی نے فکسڈ سیٹلائٹ سروسز کی فراہمی کے لیے لائسنس کے اجرا کا فیصلہ کرلیا۔
تفصیلات کے مطابق پی ٹی اے نے فکسڈ سیٹلائٹ سروسز لائسنس کیلئے ڈرافٹ تیار کرلیا ، فکسڈ سٹیلائٹ سروس لائسنس کے تحت سروس فراہمی میں آسانی ہوگی۔
پی ٹی اے نے فکسڈ سیٹلائٹ سروسز لائسنس کے ڈرافٹ پر عوامی مشاورت کا بھی آغاز کردیا، ڈرافٹ پر اسٹیک ہولڈرز سے 14 فروری تک رائے طلب کرلی گئی، فکسڈ سٹیلائٹ سروسز کے تحت فکسڈ ارتھ اسٹیشنز، فکسڈ گیٹ وے ارتھ اسٹیشنزکے قیام کی اجازت ہوگی، سروسز لائسنس کے تحت فکسڈ ٹرمینل ارتھ اسٹیشنز کے قیام کی اجازت دی جائے گی۔
پی ٹی اے کے مطابق یہ سروس صرف رجسٹرڈ سیٹلائٹ آپریٹر کے ذریعے فراہم کی جا سکتی ہے ، لائسنس کے تحت عوامی سوئچڈ زمینی نیٹ ورک اورموبائل سیٹلائٹ سروسزکی ممانعت ہوگی، لائسنس کے تحت ریڈیو اور ٹی وی براڈکاسٹنگ کی اجازت نہیں ہوگی ، بحری جہاز، ہوائی جہاز اور گاڑیوں کے لیے سیٹلائٹ پر مبنی سروسز کی اجازت نہیں ہوگی، پی ٹی اے ایکٹ، رولز، اور پاکستان اسپیس ایکٹیوٹیز رولز 2024 کی پابندی لازمی ہوگی ۔
ذرائع پی ٹی اے کا کہنا ہے کہ فکسڈ سیٹلائیٹ سروسز لائسنس کی معیاد 15 سال ہوگی ،فکسڈ سیٹلائیٹ سروسز لائسنس ہولڈر کو 18 ماہ کے اندر سروسز کا آغاز کرنا ہوگا، فکسڈ سیٹلائیٹ سروسز لائسنس کی ابتدائی فیس 5 لاکھ ڈالرز ہوگی ،لائسنس ہولڈر کو صارفین کے ڈیٹا کا تحفظ اور شفاف بلنگ سسٹم یقینی بنانا ہوگا۔