چیمپئنز ٹرافی ،قذافی سٹیڈیم کاافتتاح کل ہوگا 

لاہور: چیمپئنز ٹرافی کے لئے دنیا کا چیمپئن سٹیڈیم میزبانی کے لیے پوری طرح تیار ، قذافی سٹیڈیم کا گھونگھٹ کل اٹھایاجائے گا، پاکستان اور نیوزی لینڈ میچ کی پہلی سلامی8 فروری کو ملے گی۔
 نامور گلوکار علی ظفر، عارف لوہار اور آئمہ بیگ کل افتتاحی تقریب میں پرفارم کریں گے، ڈھول ،آتش بازی اور لائٹس شو کا شاندار مظاہرہ ہو گا، عوام کے لئے افتتاحی تقریب میں داخلہ فری ہو گا، چیئرمین پی سی بی محسن نقوی نے ذاتی مانیٹرنگ ، دن رات وزٹ، حیران کن سپیڈاور اعلی ترین معیار صرف 117 روز کی ریکارڈ مدت میں جدید ترین سٹیڈیم تیار کر دیا۔
زیادہ روشن ایل ای ڈی لائٹس2نئی پہلے سے بڑی سکور سکرینز نصب ،شائقین کرکٹ کے لئے ہر انکلوژرز سے میچ دیکھنے کا بہترین ویو ،انکلوژرز کے آگے تمام جنگلے ختم، آرام دہ امپورٹڈ نشستیں نئے ہاسپٹلٹی باکسز، شائقین کرکٹ اور کھلاڑیوں کیلئے عالمی معیار کی سہولتیں مہیا کی گئی ہیں۔
چیئرمین پی سی بی محسن نقوی نے سٹیڈیم کی تعمیر نو میں دن رات کام کرنے پر پوری ٹیم کی تعریف کی،محسن نقوی کا کہنا تھا کہ سب سے پہلے ورکرز کا شکریہ ادا کرتا ہوں جنہوں نے ناممکن ٹاسک کو ممکن بنایا، ایف ڈبلیو او، نیسپاک، کنٹریکٹر اور پی سی بی کی ٹیمز نے سٹیڈیم کی تعمیر نو کا خواب حقیقت میں بدلا،تنقید کے باوجود پوری ٹیم نے انتھک محنت کی اور اللہ تعالیٰ نے ہمارا راستہ آسان کیا،ایک بڑے ٹاسک کی تکمیل پر اللہ تعالٰی کے حضور سربسجود ہیں۔