ایک نیوز :لاہور میں چند گھنٹوں کے دوران 3 خواتین کو قتل کردیا گیا۔
لاہور کے علاقے اقبال ٹاؤن میں ناہید نامی خاتون کو اس کے شوہر طاہر نے چھریوں کے وار کرکے قتل کردیا، پولیس نے ملزم کو گرفتار کرلیا۔
قتل کا دوسرا واقعہ تھانہ شالیمار کی حدود میں پیش آیا، جہاں 22 حنا کو اس کے شوہر احسن نے گلے میں پھندا ڈال کر موت کے گھاٹ اتارا، ملزم جائے وقوعہ سے فرار ہوگیا ہے اور پولیس اسے تلاش کررہی ہے۔
داتا کی نگری میں قتل کا تیسرا واقعہ برکی میں پیش آیا، جہاں 28 سالہ صاحبہ کو اس کے شوہر اور سسرالیوں نے تشدد کرکے مار دیا، واقعے کا مقدمہ درج کرلیا گیا ہے۔
اسی طرح ستوکتلہ میں نشے کے عادی شوہر نے تشدد کے دوران بیوی کے بال کاٹ دیے۔ پولیس نے کاشف کوگرفتار کرلیا ہے۔