ویب ڈیسک :اسرائیلی فوج کے ترجمان نے کہا ہے کہ جنوبی غزہ میں حماس کے خاتمے کویقینی بنایاجائیگا ۔
تفصیلات کےمطابق آئی ڈی ایف کے چیف ترجمان ریئر ایڈمرل ڈینیئل ہیگری نے کہا کہ وہ حماس کے دہشت گردوں کے خلاف اپنی پوری طاقت استعمال کریں گے۔ ہم نے ان (حماس) کا شمالی غزہ تک پیچھا کیا اور اب ہم جنوبی غزہ میں ان کا پیچھا کر رہے ہیں۔
ہم حماس کے دہشت گردوں کے خلاف زیادہ سے زیادہ طاقت استعمال کریں گے۔ ہماری فوج نے سات دن کی جنگ بندی کا انتخاب کیا تھا تاکہ انٹیلی جنس کا جائزہ لیا جا سکے۔ حماس نے اس جنگ بندی کی خلاف ورزی کی۔ اب ہم اپنی غلطیوں سے سیکھے گئے اسباق کو اس نئی جنگ میں استعمال کریں گے۔
ڈینیئل ہیگری نے کہا کہ حماس تنظیم نے یرغمالیوں کی رہائی کو مسترد کرتے ہوئے جنگ بندی کی خلاف ورزی کرتے ہوئے جنگ کا انتخاب کیا۔ انہوں نے کہا، 'ہم حماس کے خلاف جنگ کے ایک نئے مرحلے میں داخل ہو گئے ہیں۔