ایک نیوز نیوز: لنکا پریمیئر لیگ کا آغاز آج سے مہندا راجا پاکسا انٹرنیشنل اسٹیڈیم ہمبنٹوٹا میں ہوگا۔
رپورٹ کے مطابق لنکا پریمیئر لیگ کا افتتاحی میچ جفنا کنگز اور گالے گلیڈی ایٹرز کے درمیان کھیلا جائیگا دونوں ٹیموں کے اسکواڈ میں سات کھلاڑی پاکستان کی نمائندگی کر رہے ہیں۔ انور علی، اسد شفیق، اعظم خان، افتخار احمد، عماد وسیم اور محمد حسنین گالے گلیڈی ایٹرز سکواڈ کا حصہ ہیں جبکہ پاکستان کے سابق کپتان شعیب ملک جفنا کنگز سکواڈ کا حصہ ہیں۔ پہلے روز 2 میچ کھیلے جائیں گے دوسرا میچ کولمبو اسٹارز اور کینڈی فالکنز کے درمیان کھیلا جائے گا۔ کولمبو اسٹارز اور کینڈی فالکنز کے درمیان میچ بھی مہندا راجا پاکسا انٹرنیشنل اسٹیڈیم میں کھیلا جائے گا۔
