انضمام الحق کو بی سی بی میں بڑےعہدے کی پیشکش 

ایک نیوز :پاکستان کرکٹ ٹیم کے سابق کپتان انضمام الحق کو بی سی بی میں  بڑے عہدے کی پیشکش کر دی گئی۔ 
تفصیلات کے مطابق پاکستان کرکٹ بورڈ نے انضمام الحق کو چیف سلیکٹر بننے کی پیش کش کر دی  اس کے علاوہ مکی آرتھر اور گرانٹ بریڈبرن کے بھی سلیکشن کمیٹی کا حصہ بننے کا امکان ظاہر کیا گیاہے۔
چیئرمین پاکستان کرکٹ بورڈ مینجمنٹ کمیٹی ذکاء اشرف نے انضمام الحق کو پیشکش کی ہے کہ وہ چیف سلیکٹر کا عہدہ سنبھا لیں تاہم ابھی تک عہدہ سنبھالنے کے حوالے سے انضمام الحق کا کوئی ردعمل سامنے نہیں آیا ۔
پاکستان کرکٹ بورڈ کی ٹیکنیکل کمیٹی کا ہوم ورک مکمل ہو گیاہے جس کے مطابق ڈومیسٹک کرکٹ سٹرکچر کا اعلان کیا جائے گا جبکہ ڈپارٹمنٹل کرکٹ کے بحال ہونے کے بھی چانسز ہیں۔
ذرائع کے مطابق جلد ہی قومی کرکٹ سلیکشن کمیٹی کا اعلان متوقع ہے جس کے بعد سینٹرل کنٹریکٹس کا بھی اعلان کیا جائے گا۔