ایک نیوز: وزیراعظم میاں شہباز شریف آج قصور کے نواح کھڈیاں خاص میں جلسہ کریں گے۔
ذرائع کے مطابق وزیر اعظم ریلوے سٹیشن گراؤنڈ میں قصور تا بہاولنگر موٹر وے کے سنگ بنیاد کا افتتاح بھی کریں گے۔
ذرائع کا کہنا ہے کہ جلسہ گاہ کی تیاریاں عروج پر ہیں، کئی ایکڑ پر مشتمل پنڈال تیار کیا جا رہا ہے، جلسہ گاہ میں 150 فٹ لمبا اور 30 فٹ اونچا سٹیج بھی بنایا جا رہا ہے۔
مشیر دفاع ملک احمد خان کا کہنا ہے کہ اپنے حلقہ میں آج پاور شو کریں گے، مسلم لیگ ن کے کارکنوں کو 1 لاکھ سے زائد افراد جمع کرنے کا ہدف دیا گیا ہے، پنڈال میں 1 لاکھ سے زائد افراد جمع ہو کر قائدین کا استقبال کریں گے۔