بغیرقرعہ اندازی تمام درخو است گزاروں کو حج پر بھیجنے کا اعلان 

ایک نیوز :وزیرخزانہ اسحاق ڈار نے قرعہ اندازی کے بغیر درخواستیں جمع کرانے والے تمام افراد کو حج پر بھیجنے کا اعلان کردیا ۔
تفصیلات کےمطابق پریس کانفرنس سے خطاب کرتے ہوئے اسحاق ڈار نے کہا کہ حج کیلئے 72ہزار 869درخواستیں جمع کرائی گئیں ،  کوٹے سے تقریباً37 ہزار زیادہ درخواستیں موصول ہوئی ہیں ، اس سال حج کیلئے قرعہ اندازی نہیں کی جائیگی، حج کے لیے تمام درخواستوں کو منظور کیا گیا ہے ، قرعہ اندازی کے بغیر درخواست دینے والے تمام عازمین کو بھیجا جائیگا، سٹیٹ بینک کی معاونت سے وسائل فراہم کریں گے ، وزیراعظم کی ہدایت اور وزیر مذہبی امور کی خواہش پر اقدام اٹھایا گیا، رواں سال حج کیلئے ریگولر سکیم کے تحت 44ہزار 190 کا کوٹہ تھا۔