ایک نیوز: امریکی سینٹرل کمانڈ (سینٹ کام) نے شام میں فضائی حملہ کر کے داعش کمانڈر خالد احمد الجبوری کو ہلاک کر دیا۔
سینٹ کام نے اپنے بیان میں کہا کہ ہلاک ہونے والا کمانڈر یورپ میں حملوں کی منصوبہ بندی کر رہا تھا۔
خالد احمد کو داعش کے کمانڈرز کی سطح پر تنظیم نو کرنے کی ذمہ داری بھی دی گئی تھی۔
سینٹ کام کمانڈر جنرل کوریلا نے کہا کہ خالد احمد الجبوری کی موت سے داعش کی بیرونِ ملک حملہ کرنے کی صلاحیت عارضی طور پر متاثر ہوگی۔
ان کا کہنا تھا کہ فضائی حملے میں کوئی شہری نہ ہلاک ہوا نہ ہی زخمی۔