راولپنڈی:جنگلی ریچھ شہری آبادی میں داخل،3دن بعدپکڑاگیا

ایک نیوز:راولپنڈی بھاٹہ چوک کی مقامی آبادی میں داخل ہونے والا ریچھ 3 دن بعد پکڑا گیا، ایس ایچ او تھانہ نصیر آباد نے ریچھ کو ٹریس کیا، ریچھ کو محکمہ وائلڈ لائف کے حوالے کردیا گیا۔
پولیس نے بتایا کہ3 دن سے ریچھ بھاٹہ چوک کے گنجان آباد علاقے میں موجود تھا جس کو تلاش کرنے کیلئے مختلف وسائل استعمال کیے جارہے تھے۔
ایس ایچ او تھانہ نصیر آباد ندیم ظفر نے علاقے میں لگے سی سی ٹی وی کیمروں کی مدد سے ریچھ کو ٹریس کیا اور محکمہ وائلڈ لائف کے حوالے کردیا۔
ریچھ کی علاقے میں موجودگی سے شہری خوف و ہراس کا شکار تھے، محکمہ وائلڈ لائف عملے کا کہنا تھا کہ ریچھ کوکچھ دن سیف کسٹڈی میں رکھا جائے گا حالت بہتر ہونے پر جنگل میں آزاد کردیا جائے گا۔