ایک نیوز نیوز: میڈیا رپورٹس کے مطابق بھارت کے پہاڑی سلسلے ہمالیہ میں برفانی تودہ کوہ پیماؤں پر آن گرا۔ جس کے نتیجہ میں 2 افراد کے ہلاک ہونے کی اطلاعات ہیں۔
تفصیلات کے مطابق ہمالیہ پہاڑی سلسلے پر 19 افراد مقامی ادارے سے کوہ پیمائی کی تربیت لے رہے تھے کہ اندوہناک واقعہ پیش آگیا۔ برفانی تودہ گرنے سے 2 کوہ پیما ہلاک اور 19 لاپتہ ہوچکے ہیں۔
رپورٹس کے مطابق اطلاع ملنے کے بعد تودے میں پھنسے کوہ پیماؤں کی مدد کے لیے ریسکیو ٹیم بھیجی گئی، جس نے 2 لاشیں نکال لیں تاہم باقی افراد کی تلاش خرابی موسم اور اندھیرا ہوجانے کے سبب روک دی گئی۔ حکام کے مطابق ہلاکتوں میں اضافے کا خدشہ ہے، تاہم موسم کے ٹھیک ہوتے ہی ریسکیو کا کام دوبارہ شروع کیا جائے گا۔