ایک نیوز : ن لیگ کے رہنما کیپٹن (ر) صفدر کاکہنا ہے کہ بات چیت ہر محب وطن سے کرنی چاہیے لیکن 9 مئی کے دجالی فتنہ سے کوئی ہاتھ نہ ملائے۔
ن لیگ کے رہنما کیپٹن (ر) صفدر کا مردان میں میڈیا سے گفتگو کرتے ہوئے کہنا تھاکہ نواز شریف کو 10 سال کیلئے موقع دینا چاہیے، جمہوری نظام کو کسی نے ڈسٹرب کیا، کنٹینر لگے تو ڈالر اور آٹا کنٹرول میں نہیں آئیں گے۔انتخابات کے بغیر ملک نہیں چلے گا۔
کیپٹن (ر) صفدر کا مزید کہنا تھاکہ نواز شریف کے پاس ہر مشکل کی کنجی موجود ہے، ملک کی محبت کا تقاضا ہے کہ نظام کو چلنے دیا جائے، الیکشن وقت پر ہوں گے۔ نواز شریف اصول پرست سیاستدان ہیں، نواز شریف کے سینے میں بڑا دل ہے، 2018ء کے انتخابات میں الیکشن پر ڈاکہ ڈالا گیا، وہیں سے ملک کی تباہ کاریاں شروع ہوئیں۔