ایک نیوز : ترکی نے غزہ میں اسرائیلی خونریزی کے باعث احتجاجاً صیہونی وزیر اعظم بنجمن نیتن یاہو سے رابطے منقطع کرنے کا اعلان کر دیا جبکہ اپنا سفیر بھی واپس بلا لیا۔
غیر ملکی خبر رساں ایجنسی کے مطابق ترک صدر رجب طیب اردوان نے صحافیوں کو بتایا کہ وہ غزہ کی پٹی میں شہریوں کی بڑھتی ہوئی ہلاکتوں کے لیے ذاتی طور پر نیتن یاہو کو ذمہ دار ٹھہراتے ہیں۔
ترکی کے اسرائیل سے اپنے سفیر کو واپس بلانے کے اعلان سے امریکی وزیر خارجہ انٹونی بلنکن کا ترکی کا دورہ مشکل ثابت ہوگیا۔واضح رہے کہ ترکی گذشتہ ماہ اسرائیل اور حماس کی جنگ کے آغاز تک اسرائیل کے ساتھ اپنے ٹوٹے ہوئے تعلقات کو بتدریج ٹھیک کر رہا تھا تاہم جنگ کے بعد اس نے اسرائیل اور اس کے مغربی حامیوں سمیت خاص طور پر امریکہ کے خلاف اپنا لہجہ سخت کرنا شروع کر دیا۔اسرائیل کے غزہ پر حملوں کے بعد ترک صدر نے نیتن یاہو سے رابطے منقطع کرنے کا اعلان کردیا۔
واضح رہے کہ اسرائیل کے حملوں اور زمینی مہم میں شدت سے اب تک تقریبا ساڑھے 9 ہزار سے زائد فلسطینی شہید ہو چکے ہیں جن میں زیادہ تر خواتین اور بچے شامل ہیں۔