ایک نیوز: پاکستان شوبز انڈسٹری سے وابستہ ابھرتے ہوئے ماڈل و اداکار عطابیگ محسن اب 7 مئی سے ترکش کامیڈی ڈرامہ سیریل ’کویو بیاز‘ کے مرکزی کردار میں جلوہ گر ہوں گے۔
View this post on Instagram
فوٹو اینڈ ویڈیو شیئرنگ پلیٹ فارم انسٹاگرام پر اداکار عطابیگ محسن نے پوسٹ شیئر کرتے ہوئے اپنے نئے پروجیکٹ ’کویو بیاز‘ کے حوالے سے اعلان کیا۔
انہوں نے انسٹاگرام پوسٹ میں بتایا کہ ’ پیش خدمت ہے میرا پہلا ترکش ڈرامہ سیریل ’کویو بیاز‘، جو اتوار 7 مئی کو تابی پر ریلیز ہو رہا ہے اور اس کی ہدایت کاری Bulent Isbilen نے کی ہے۔
انہوں نے مزید لکھا کہ ’دادا، دیمی اور ہر اس شخص کے لیے جس کو زندگی میں ناکامی کا سامنا ہے۔ مجھے امید ہے کہ فرحان آپ سب کو ہنسنے پر مجبور کر دے گا‘۔
خیال رہے کہ اس کامیڈی ڈرامہ سیریل میں عطابیگ محسن کے ساتھ ساتھ پاکستانی سینئر اداکارہ عتیقہ اوڈھو اور اداکار توثیق حیدر بھی اداکاری کے جوہر دکھا رہے ہیں، اس کے علاوہ ترکش فنکار نیسا بولکباش اور اتاکان ہوگورین بھی شامل ہیں۔
خیال رہے کہ اس سے قبل عطابیگ محسن نے مختلف پاکستانی کمرشل میں کام کیا ہے۔
انہوں نے پاکستانی ڈرامہ سیریل بھڑاس، بدنصیب اور پردیس میں سپورٹنگ کردار ادا کئے ہیں۔