پولیس ذرائع کا کہنا ہے کہ گوگی بٹ کو ہنجروال کے علاقے سے 5 ساتھیوں سمیت گرفتار کیا گیا ہے۔پولیس ذرائع کے مطابق تمام ملزمان کو سی آئی اے اقبال ٹاؤن نے اچھرہ کی حوالات میں بند کر دیا ہے۔
گوگی بٹ کے اہلخانہ نے الزام عائد کیا ہے کہ پولیس نے چھاپے کے دوران گھر میں توڑ پھوڑ بھی کی، واضح رہے گوگی بٹ کے گھر پرسی آئی اے اقبال ٹاؤن پولیس نے چھاپہ مارا تھا اور اسے ساتھیوں سمیت نجی سوسائٹی سے گرفتار کیا گیا تھا چھاپے کے دوران ملزمان سے بھاری اسلحہ برآمد ہوا تھا۔