ایک نیوز: ظفروال میں قبر کی بے حرمتی کا واقعہ پیش آیا جس میں 50 سالہ خاتون کو قبر سے نکال کر اسکی بے حرمتی کی گئی۔
رپورٹ کے مطابق ظفروال کے نواحی گاوں چک میردا میں 15 دن قبل وفات پانے والی حفیظ بی بی کی قبر کسی نے کھود دی۔ اہل علاقہ کا کہنا ہےکہ خدشہ ہے کہ 50 سالہ حفیظ بی بی کی لاش قبر سے نکال کر بے حرمتی کی گئی ہے۔ اسی قبرستان میں قبر کی بے حرمتی کا یہ تیسرا واقعہ ہے ۔
عینی شاہدین کا کہنا ہےکہ قبر میں عورت کی لاش اوندھی پڑی ہے اور کفن بھی ایک سائیڈ پر پڑا ہے ، 7 ماہ قبل بھی اسی قبرستان میں 55 سالہ پروین بی بی کی لاش کی بے حرمتی کی گئی تھی۔ پولیس اور فرانزک ٹیموں نے موقع پر پہنچ کر شواہد اکٹھے کرنے شروع کر دئیے ہیں۔مسلسل تیسری بار قبر کی بے حرمتی کے باعث علاقہ میں خوف و ہراس پھیل گیا ہے۔