ایک نیوز : لاہور: شہر میں ہونے والی ریکارڈ توڑ بارش میں پاکستان شوبز کی معروف اداکارہ نادیہ جمیل کے گھر کا بیرونی حصہ بھی پانی میں ڈوب گیا۔
My 76 year old mother is trapped in the house… again. I’m regretting the fact that I stayed with my best friend last night. We were celebrating my sons birthday and I crashed there. Now I can’t get to my mother. And she can’t get out. In another hour, if the rains continue, this… pic.twitter.com/Y6d4ml5FbF
— Nadia Jamil (@NJLahori) July 5, 2023
اداکارہ نادیہ جمیل نے ٹوئٹر پر اپنے گھر کی کچھ ویڈیوز شیئر کی ہیں جس میں انکے گھر کا بیرونی حصہ مکمل طور پر پانی میں ڈوبا ہوا ہے۔
نادیہ جمیل نے اپنی پوسٹ میں لکھا کہ میری 76 سالہ والدہ گھر میں پھنس گئی ہیں جو دل کی مریضہ ہیں، اب نہ میں اندر جا سکتی ہوں اور نہ وہ باہر آسکتی ہیں۔انہوں نے بتایا کہ یہ سارا سیوریج کا پانی ہے کیونکہ ہمارا گھر نالے سے دور ہے، اگر مزید ایک گھنٹہ بارش جاری رہی تو سارا پانی گھر میں چلا جائے گا۔
نادیہ جمیل نے مزید بتایا کہ میرا بھائی اسٹاف کوارٹر میں موجود بچوں اور امی کو دودھ دینے سینے تک موجود پانی میں چل کر گیا ہے۔
انہوں نے اپنی پوسٹ میں وزیراعظم شہباز شریف، ڈپٹی کمشنر لاہور اور نگراں وزیراعلیٰ پنجاب محسن نقوی کو ٹیگ کرتے ہوئے لکھا کہ کیا آپ براہ کرم اس شہر اور اس کے شہریوں کے لیے کچھ ذمہ داری اٹھا سکتے ہیں؟۔