ایک نیوز: اسٹار فٹبالر کرسٹیانو رونالڈو کے سعودی کلب النصر نے لیورپول کے اسٹرائیکر محمد صلاح سے معاہدے کیلئے رابطے بڑھانا شروع کردیئے ہیں۔
رپورٹ کے مطابق سعودی کلب النصر کرسیٹانو رونالڈو کے بعد رواں سیزن میں محمد صلاح سمیت بڑے کھلاڑیوں کو سائن کرنے کے لیے پرعزم ہے جبکہ التحاد کلب فرانسیسی کھلاڑیوں میں کریم بینزیما، این گولو کانٹے اور خالدو کولیبالی کی خدمات لے چکا ہے۔
محمد صلاح نے 2017 میں لیورپول کلب میں شمولیت اختیار کی تھی، صالح نے 305 میچوں میں کلب کی نمائندگی کرتے ہوئے 186 گول اسکور کیے جبکہ 79 اسسٹ فراہم کیے۔لیورپول کے اسٹرائیکر گزشتہ سیزن میں اہم کھلاڑی کے طور پر ابھرے تھے انہوں نے 30 گولز اسکور کیے جبکہ 16 میں اسسٹ فراہم کیے تھے۔
سعودی عہدیدار حفیظ المدلیج کا کہنا ہے کہ محمد صلاح کے پاس لیورپول کو خیرباد کہنے کا موقع ہے، میں امید کرتا ہوں کہ اگر وہ ابھی نہیں آتے ہیں تو وہ مستقبل میں آئیں گے۔