ایک نیوز: چیئرمین سینیٹ کی مراعات کے بل کا معاملہ،سابق صدر آصف زرداری نے بل پاس کرانے کے معاملے کا نوٹس لے لیا۔
ذرائع کا کہنا ہے کہ پیپلزپارٹی قیادت نے بل پر دستخط کرنے والے ارکان سے وضاحت طلب کرلی،پیپلزپارٹی قیادت کو چیئرمین سینیٹ کی مراعات سے متعلق بل پر شدید تحفظات کا اظہارہے،موجودہ حالات میں ملک بلکل متحمل نہیں ہو سکتا کہ چیئرمین سینیٹ کو یہ مراعات دی جائیں۔
پیپلز پارٹی ذرائع کا کہنا ہے کہ آصف زرداری نے بل پر دستخط کرنے والے ارکان پر اظہار برہمی کااظہارکرتے ہوئے وضاحت بھی طلب کرلی،بتایا جائے کہ چیئرمین سینٹ کی مراعات کے بل پر دستخط کیوں کئے؟متعدد ارکان نے پارٹی قیادت کو ناقابل یقین وضاحت پیش کردی،ہم سے عجلت میں بل پر دستخط کرائے گئے، متعدد ارکان نے وضاحت دیدی،کچھ ارکان نے وضاحت دی کہ انہیں علم ہی نہیں تھا کہ کس پر دستخط کرائے جارہے ہیں۔