ایک نیوز: آئی سی سی نے ٹیسٹ پلیئرز کی عالمی رینکنگ کا اعلان کردیا ہے، بابراعظم کی مزید ایک درجہ تنزلی ہوگئی۔
رپورٹ کے مطابق آئی سی سی کی جاری کردہ ٹیسٹ کھلاڑیوں کی عالمی درجہ بندی میں نیوزی لینڈ کے کین ولیمسن پہلے نمبر پر براجمان ہیں جبکہ آسٹریلیا کے اسٹیو اسمتھ 882 رینٹنگ پوائنٹس کے ساتھ چار درجہ ترقی پاکر دوسری پوزیشن پر آگئے ہیں۔ اسٹیو اسمتھ نے ایشز سیریز کے مسلسل دوسرے میچ کی پہلی اننگز میں 110 جبکہ دوسری اننگز میں 34 رنز کی اننگز کھیلی اور ٹیم کو دوسری فتح سے ہمکنار کروایا۔
فہرست میں آسٹریلیا کے مارنو لبوشین 873 پوائنٹس کے ساتھ تیسرے جبکہ آسٹریلیاکے ہی بیٹر ٹریوس ہیڈ 872 پوائنٹس کے ہمراہ چوتھی پوزیشن پر قابض ہیں۔ انگلش بیٹر جو روٹ 4 درجے تنزلی کے بعد پانچویں جبکہ کپتان بابراعظم چھٹے نمبر پر آگئے ہیں، انکے ریٹنگ پوائنٹس کی تعداد 862 ہے۔
ٹاپ 10 ٹیسٹ باؤلرز کی رینکنگ میں پاکستان کے شاہین آفریدی سری لنکا کے خلاف سیریز میں اِن ایکشن ہوں گے۔ شاہین آفریدی ایک درجہ ترقی پاکر چھٹی پوزیشن پر قابض ہیں جبکہ بھارت کے روی ایشون 860 ریٹنگ پوائنٹس کے ساتھ پہلی پوزیشن پر موجود ہیں۔
دوسری جانب ون ڈے میں بابراعظم کی بادشاہت برقرار ہے، وہ بدستور 886 پوائنٹس کے ساتھ پہلی پوزیشن پر قابض ہیں جبکہ فخر زمان اور امام الحق تیسری اور چوتھی پوزیشن پر براجمان ہیں۔ٹی20 کی عالمی رینکنگ میں بھارت کے سوریا کمار یادیو پہلے جبکہ محمد رضوان اور کپتان بابراعظم بالترتیب دوسری اور تیسری پوزیشن پر قابض ہیں۔