ایک نیوز: ہم سب کی خواہش چھٹی میں کہیں تفریح کرنے کی ہوتی ہے۔ ہر کوئی اپنی گنجائش اور شوق کے مطابق تفریح کی منصوبہ بندی کرتا ہے۔ کچھ لوگ پہاروں پر جانا پسند کرتے ہیں تو کچھ ایڈونچر کے شوقین لوگ خطرناک جھولوں پر بیٹھنی کی خواہش کرتے ہیں۔
امریکی ریاست وسکونسن میں بھی شہریوں نے تفریح کی غرض سے رولر کوسٹر کا انتخاب کیا لیکن یہ چند منٹوں کا سفر ان کے لیے کئی گھنٹوں کی مشکل لے آیا۔ میڈیا رپورٹس کے مطابق امریکی ریاست وسکونسن کے شہر کرینڈن میں رولر کوسٹر میں عین اس وقت تکنیکی خرابی پیدا ہوئی۔ جب اس میں سوار شہری ایسی پوزیشن میں تھے جہاں بلندی پر ان کا سر نیچے کی جانب تھا۔
امریکہ کی ریاست وسکونسن کے شہر کرینڈن میں چلتی رولر کوسٹر بلندی پر اچانک ایسے رکی کہ اس میں سوار آٹھ افراد کئی گھنٹوں تک الٹے لٹکے رہے۔ کرینڈن فائر ڈپارٹمنٹ کا کہنا تھا کہ رولر کوسٹر تکنیکی خرابی کے باعث رک گئی تھی۔ لگ بھگ تین گھنٹوں کی کوشش کے بعد مسافروں کو نیچے اتارا جا سکا۔ pic.twitter.com/mxiD4ljblY
— VOA Urdu (@voaurdu) July 5, 2023
کہا جاسکتا ہے کہ وہ ہوا میں بلکہ الٹے لٹک گئے تھے اور اس حالت میں انہیں 3 گھنٹے تک انتظار کرنا پڑا۔ مقامی میڈیا کی رپورٹ کے مطابق فائر ڈیپارٹمنٹ کا کہنا ہے کہ تکنیکی خرابی کی وجہ سے رولر کوسٹر رک گئی تھی۔ جس میں سے شہریوں کو اتارنے کیلئے 3 گھنٹوں کی محنت کی گئی۔