سٹار لنک کب پاکستان آئیگی؟ایلون مسک نےپاکستانی صارف کوبتا دیا

ایک نیوز:پاکستان کے سوشل میڈیا صارفین نے ایلون مسک سے پاکستان میں سٹار لنک شروع کر نے کی درخواست کی ہے۔
جس پر ایلون مسک کا کہنا ہے کہ ہمیں حکومت کی جانب سے اجازت کا انتظار ہے، ٹیسلا، سپیس ایکس اور سوشل میڈیا پلیٹ فارم ایکس کے مالک ایلون مسک کو سٹار لنک کیلئے حکومتِ پاکستان کی طرف سے منظوری کا انتظار ہے۔
ایلون مسک کا کہنا ہے کہ حکومتِ پاکستان کی جانب سے منظوری کا انتظار کر رہے ہیں، حکومت اور سٹار لنک میں بات چیت جاری ہے، پی ٹی اے حکام کا کہنا ہے کہ درخواست پر کام ابتدائی مراحل میں ہے ،سروس کے لائسنس کیلئے تکنیکی ضروریات کا جائزہ لیا جا رہا ہے،نیشنل سپیس ایجنسی قومی سپیس پالیسی کے تحت جائزہ لے رہی ہے۔
پی ٹی اے حکام کا کہنا ہے کہ لائسنس سے قبل بہت سی تکنیکی چیزوں کا جائزہ لینا ضروری ہے، بیڈوتھ، اپ لنکنگ، گیٹ ویز سمیت دیگر کئی اہم چیزوں کا جائزہ لینا ضروری ہے، تمام غیر ملکی سٹیلائٹ سروس پرووائیڈرز کیلیے یہی طریقہ کار ہے، سپیس ایجنسی کی منظوری کے بعد سروسز فراہمی کیلئے ریگولیٹر کی منظوری درکار ہوگی۔