ایک نیوز :کینیڈا کی حکومت اور ہائی کمشن نے پاکستان کے سفر کیلئے سفری ہدایت نامہ اپ ڈیٹ کر دیا۔
تفصیلات کےمطابق کینیڈا کی جانب سے پاکستان کے لئے سفری ہدایت نامے میں سیکیورٹی لیول 2 اپنایا گیا، سیکیورٹی لیول 2 میں پاکستان کے سفر میں بہت زیادہ احتیاط برتنے کا مشورہ دیا گیا،کینیڈین ہائی کمیشن کے مطابق کینیڈین حکومت نے سفری ہدایت نامہ پاکستان سفر کے خواہشمند کینیڈین شہریوں, پاکستان میں کینیڈین شہریوں کی حفاظت کے لیے جاری کیا۔ کینڈین ہائی کمیشن نے ہدایت کی کہ پاکستان میں غیر متوقع سیکیورٹی صورتحال کی وجہ سے انتہائی احتیاط برتیں, دہشت گردی، شہری بدامنی، فرقہ وارانہ تشدد اور اغوا کا خطرہ ہے, تمام غیر ضروری سفر سے گریز کریں,پاکستان کے سرحدی علاقوں سفر سے گریز کریں۔
کینیڈین ہائی کمیشن نے ہدایت کی ہے کہ افغان کی سرحد کے 50 کلومیٹر کے اندر, چین، بھارت اور ایران کی سرحدوں کے 10 کلومیٹر کے اندر کے علاقوں میں سفر سے گریز کریں,لائن آف کنٹرول کے 10 کلومیٹر اندر کے علاقے، ماسوائے سرکاری سرحدی گزرگاہوں کے سفر سے گریز کریں,تشدد اور دہشت گردی کے خطرے کے پیش نظر کراچی شہر کے غیر ضروری سفر سے گریز کریں,سابق فاٹا اور صوبہ بلوچستان میں، حملے اکثر ہوتے رہتے ہیں جن کا نشانہ سیکورٹی و فوجی دستے رہتے ہیں,اس طرح کے مزید حملوں کا امکان ہے جن میں ٹارگٹ کلنگ, اغوا, مسلح حملے, خودکش بم دھماکے, دیسی ساختہ دھماکہ خیز آلات بعید از قیاس نہیں ہیں ۔
کینڈین ہائی کمیشن کی ہدایت کے مطابق مختلف فرقوں یا اقلیتی گروہوں کے اجتماع, حکومتی اور فوجی اثاثے اور اہلکار, عبادت گاہیں, ہوائی اڈے اور دیگر نقل و حمل کے مراکز اور نیٹ ورکس سے اجتناب برتا جائے،عوامی و سیاحتی مقامات، ریستوراں، بار، کافی شاپس، شاپنگ سینٹرز، بازار، ہوٹل,انتخابات سے متعلق تقریبات اور پولنگ اسٹیشنز سے دوری اختیار کریں۔
کینیڈین حکومت نے اپنے شہریوں کے لئے حفاظتی تدابیر بھی تجویز کیں،احتیاطی تدابیر میں کہا گیا کہ ان علاقوں سے گریز کریں جہاں مظاہرے اور بڑے اجتماعات ہو رہے ہوں,عوامی مقامات پر اپنے اردگرد کے ماحول سے ہمیشہ آگاہ رہیں,ہر وقت تصویر کی شناخت اپنے ساتھ رکھیں, مختصر نوٹس پر اپنے سفری منصوبوں کو تبدیل کرنے کے لیے تیار رہیں,بدلتی ہوئی صورتحال سے باخبر رہنے کے لیے مقامی میڈیا سے باخبر رہیں۔مقامی حکام کی ہدایات پر عمل کریں۔