بلاول بھٹو نے الیکشن میں تاخیر کی مخالفت کردی 

ایک نیوز :پیپلزپارٹی کے چیئر مین بلاول بھٹو نے الیکشن میں تاخیر کی مخالفت کردی ،ان کا کہناتھا کہ الیکشن جلدی کرانے کےمخالف ہیں تو تاخیر سےکرانے کی بھی مخالفت کریں گے ۔
تفصیلات کےمطابق پارٹی کی مرکزی مجلس عاملہ اجلاس کے بعد پارٹی چیئرمین بلاول بھٹو نے کہاکہ ضابطہ اخلاق بنانے کیلئے حکومت اور اپوزيشن کی تمام جماعتوں سے رابطہ کریں گے۔انہوں نے کہا کہ پیپلز  پارٹی ہمیشہ سےکہتی ہے کہ الیکشن وقت پر ہوں، جلدی الیکشن کی مخالفت کر رہے ہیں تو الیکشن میں تاخیر کی بھی مخالفت کریں گے۔
بلاول نے کہا کہ اگرسیلاب متاثرین کی کسی نے مدد کرنی ہے تو ضرور کرے، ہم ویلکم کریں گے، اگرعمران خان سیلاب متاثرین کی مدد کرنا چاہتے ہیں تو ضرور کریں، اگرعمران خان چاہتے ہیں کہ ہم سیلاب متاثرین کی معلومات انہیں فراہم کردیں تو ہمارے بیوروکریٹس ایسا نہیں کریں گے کیونکہ وہ پہلے ہی نیب کے کیسز  بھگت رہے ہیں۔
بلاول نے کہا کہ عمران خان جنوبی پنجاب اور خیبرپختونخوا کے سیلاب متاثرین کی مدد کریں، وزیراعلیٰ سندھ سیلاب متاثرین کی مدد میں لگےہوئےہیں،ویسےہی کے پی اور پنجاب کےعوام امید کرتے ہیں کہ وہاں کے  وزرائے اعلیٰ ان کی مدد کریں گے۔
وزیراعلیٰ پنجاب کے حوالے سے گفتگو کرتے ہوئے بلاول نے کہا کہ پرویز الہٰی ملک کے سینیئر سیاست دان ہیں، انھوں نےسوچ کر ہی بیان دیا ہوگا، اتحادی جماعتوں کوبھی مشورہ ہےکہ مسائل کاسیاسی حل ڈھونڈنا چاہیے، پرویزالہٰی کووزیر اعلیٰ رہنا ہے تو اعتماد کا ووٹ تو لینا پڑے گا، سیاسی،قانونی اور جمہوری لڑائی جاری رہے گی۔