ویب ڈیسک :گریمی ایوار ڈ میں تین ٹرافیاں جیتنے والے معروف امریکی ریپر اور ایکٹیوسٹ کلر مائیک کو پولیس نے گریمی ایوارڈز کی تقریب سے گرفتار کرلیا۔
ہالی ووڈ رپورٹر کرس گارڈنر نے اپنے سوشل میڈیا اکاؤنٹ پر ایک ویڈیو پوسٹ کی جس میں دیکھا گیا کہ لاس اینجلس پولیس کلر مائیک کو گرفتاری کے بعد تقریب سے باہر لے کر جا رہی ہے۔
Breaking: Rapper Killer Mike has been taken away in handcuffs in https://t.co/aF2yiyTHol arena after winning 3 #Grammys during telecast (Best Rap Song and Best Rap Performance for “Scientists & Engineers,” Best Rap Album for Michael) “Free Mike” someone shouts as he walks past. pic.twitter.com/4epfmzqMt8
— Chris Gardner (@chrissgardner) February 5, 2024
لاس اینجلس پولیس ڈیپارٹمنٹ کے ترجمان نے ایسوسی ایٹڈ پریس کو بتایا کہ آرٹسٹ کو ایرینا کے اندر ایک جھگڑے کے بعد گرفتار کیا گیا ہے۔تاہم بعد ازاں انہیں رہا کر دیا گیا ۔بین الاقوامی میڈیا رپورٹس کے مطابق 4 فروری کو لاس اینجلس میں ہونے والی گریمی ایوارڈز کی تقریب میں معروف ریپر کلر مائیک نے میوزک انڈسٹری کے تین سب سے بڑے ایوارڈز اپنے نام کیے تھے۔
دوسری جانب نامور امریکی گلوکارہ ٹیلر سوئفٹ نے اس سال کے گریمی ایوارڈز تاریخ رقم کردی اور وہ سال کے بہترین البم کا ایوارڈ 4 بار جیتنے والی پہلی گلوکارہ بن گئی ہیں۔