ویب ڈیسک: پشاور میں 8 فروری 2024 کو ہونے والے عام انتخابات کے لیے ٹریفک پولیس نے بھی پلان تیار کرلیا۔
ٹریفک پولیس حکام کے مطابق ٹریفک کی روانگی برقرار رکھنے کے لیے بھاری نفری تعینات کرنے کا فیصلہ کیا گیا ہے۔
ٹریفک حکام کا کہنا ہے کہ مختلف سیکٹرز میں 3 ایس پی اور 11 ڈی ایس پیز تعینات ہوں گے جبکہ ایک ہزار سے زائد ٹریفک آفیسر اور وارڈنز بھی تعینات ہوں گے۔
ٹریفک حکام کا مزید کہنا ہے کہ ٹریفک کی روانگی بحال کرنے کے لیے خصوصی انتظامات کیے جارہے ہیں، شہریوں کو سفری سہولت فراہم کرنے اور کسی بھی قسم کی ٹریفک جام سے بچنے کے لئے سڑکوں پر ٹریفک پولیس کی بھاری نفری تعینات ہو گی۔