ایک نیوز نیوز :چیئر مین تحریک انصاف عمران خان نے لندن میں جیو ٹی وی کو ہرجانے کا نوٹس بھجوادیا ۔
تفصیلات کےمطابق چیئر مین تحریک انصاف عمران خان نے اپنے ٹویٹر پیغام میں بتایا کہ جیو ٹی وی کیخلاف لندن میں قانونی دعویٰ دائر کرنے جارہے ہیں ، جیو ٹی وی کو ہرجانے کا قانونی نوٹس لندن میں بھجوادیا ہے ۔وکلا کو جیو ٹی وی کیخلاف قانونی کارروائی کی ہدایت بھی کردی ۔
عمران خان نے مزید کہاکہ جیو ٹی وی کو ہرجانے کے دعوے کا جواب دینے کیلئے 14دن کا وقت دیا ہے ۔
واضح رہے کہ جیو نیوز عمران خان کی جانب سے بطور وزیراعظم توشہ خانہ کے تحفے فروخت کرنے والے یو اے ای میں مقیم پاکستانی عمر فاروق کو سامنے لایا تھاجس پر عمران خان نے انہیں نوٹس بھجوانے کا اعلان کیا تھا ،جیو نیوز کے پروگرام میں عمر فاروق نے بتایا تھا کہ انہیں عمران خان کے دور کے مشیر برائے احتساب نے انہیں فون کر کے بتایا کہ بہت قیمتی تحائف ہیں جو ہم فروخت کرنا چاہتے ہیں، یہ تحائف فرح جمیل کے ذریعے فروخت کیے گئے تھے۔ جیو نیوز کے پروگرام آج شاہزیب خانزادہ کے ساتھ کے میزبان شاہزیب خانزادہ نے عمران خان کے الزامات پر کہا ہے کہ چیئرمین پی ٹی آئی جس عدالت میں جانا چاہیں جائیں ہم سامنا کریں گے۔