ایک نیوز نیوز: قطر میں عالمی فٹ بال مقابلے کی رونقوں کو دوبالا کرنے کےلئے اونٹوں کا مقابلہ حسن منعقد کیا گیا۔
غیرملکی میڈیا کے مطابق مقابلے میں دوسری خصوصیات کے ساتھ ساتھ ان کے قد، آنکھوں اور چہرے کی خوبصورتی کو بھی مدِ نظر رکھا گیا۔
اونٹوں کے مقابلےمیں نازاں نامی اونٹنی کو اس کے لمبی پلکوں، چال، حسن اور وقار کی بنا پر اول انعام دیا گیا۔ مقابلے کا انتظام قطر کے مزائن کلب نے کیا تھا۔
اس مقابلے کا مقصد دنیا کو قطر کی تہذیب اور ثقافت سے روشناس کرانا تھا۔ مقابلے کا انعقاد وزارتِ کھیل کے اشتراک سے ہوا۔ تقریب میں الکواری خاندان کے اونٹ کو پہلا انعام ملا، جبکہ کل 15 اونٹوں میں سے ایک نازاں اونٹنی شامل تھی جسے گلوبند سے سجایا گیا تھا۔
Spectators watch a camel beauty contest in Ash-Shahaniyah, Qatar ???? @reuterspictures pic.twitter.com/0wQ3WCyQBm
— Reuters (@Reuters) November 30, 2022
افریقہ اور مشرقِ وسطیٰ میں اونٹوں کے مقابلہ حسن تواتر سے ہوتے رہتے ہیں۔ ان مقابلوں کو دیکھنے کے لیے سیاح بھی آتے ہیں۔
ڈاکٹروں کی ایک ٹیم جانوروں میں بوٹوکس یا ادویہ کے استعمال کو بھی چیک کرتی ہے کیونکہ ان کا استعمال بالکل ممنوع ہے۔
نازاں کو 55 ہزار ڈالر کی رقم انعام کے طور پر دی گئی، جبکہ زیادہ دودھ دینے والی اونٹنی کے مقابلے میں پہلا انعام 15 ہزار قطری ریال رکھا گیا تھا۔