ایک نیوز نیوز: کوئٹہ کے علاقے دکانی بابا چوک کے قریب نامعلوم افراد نے دکان پر دستی بم سے حملہ کیا جس کے نتیجے میں ایک نوجوان جاں بحق اور 14 افراد زخمی ہوگئے۔
پولیس کے مطابق دکانی بابا چوک پر موٹرسائیکل سوار دہشت گردوں نے دستی بم سے حملہ کیا جس کے نتیجے میں ایک 18سالہ نوجوان جاں بحق اور 14سے زائد افراد زخمی ہوگئے،زخمیوں کو فوری طور پر سول ہسپتال منتقل کر دیا گیا ہے۔
زخمیوں میں سے 2 کی حالت تشویشناک بتائی جارہی ہے۔ دستی بم حملے کی اطلاع ملتے ہی پولیس اور ایف سی کی بھاری نفری نے موقع پر پہنچ کر علاقے کو گھیرے میں لے لیا اور شواہد اکٹھے کرلیے۔