ایک نیوز: پاکستان تحریک انصاف کے چیئر مین اور سابق وزیراعظم عمران خان نے کہا ہے کہ عدالت نظریہ ضرورت کو خیر باد کہتے ہوئے آئین کیساتھ کھڑی ہے۔
سماجی رابطے کی ویب سائٹ ٹویٹر پر اپنے ایک بیان میں سابق وزیراعظم نے لکھا کہ آج رات نمازِعشاء کی ادائیگی کےبعد ہم چاروں صوبوں میں 75 سے زائد مقامات پر یوم تشکر منا رہے ہیں۔ عدالتِ عظمیٰ آئین کے ساتھ کھڑی اور نظریہ ضرورت، جسے قانون کی حکمرانی کو پس پشت ڈال کر بروئےکار لایاجاتاہے، کو خیربادکہہ چکی ہے۔ حقیقی آزادی کی جانب بلاشبہ یہ ایک بڑا قدم ہے۔
انہوں نے مزید لکھا کہ میں اپنے لوگوں سے مخاطب ہوں گا اور انہیں اُس حقیقی خطرے کہ عدالت عظمیٰ کے حکم کے باوجود مقتدر مافیا انتخاب نہیں کروائے گا، کے بارےمیں آگاہ کروں گا کیونکہ یہ گروہ شکست سے بے حدخوفزدہ ہے۔
Tonight after Isha prayers we will be celebrating Youm-i-Tashakur in over 75 cities across all 4 provinces. SC has stood with Constitution & put an end to Doctrine of Necessity, which is used in absence of Rule of Law. This is also a huge step forward towards Haqeeqi Azadi.
— Imran Khan (@ImranKhanPTI) April 5, 2023
عمران خان کا کہنا تھا کہ ہمیں دستور کو بالادست رکھنےوالی اپنی عدلیہ کے حمایت وتحفظ کی خاطر پُر امن احتجاج کیلئے سڑکوں پر نکلنے کیلئے تیار رہنا ہو گا۔
ایک اور ٹویٹ میں انہوں نے کہا کہ ایک مرتبہ پھر خاص طور پر ماہِ مقدس (رمضان المبارک) کے دوران اسرائیلی فوجیوں کے مسجد اقصیٰ میں نمازیوں پر حملے کی شدید مذمت کرتاہوں۔ او آئی سی کی ذمہ داری ہے کہ UNSC+ عالمی برادری کو بتائے کہ اس قسم کی وحشت سے پوری دنیامیں مسلمانوں کےجذبات کو شدیدٹھیس پہنچتی ہے۔