ایک نیوز: کرکٹ کھیل ہے جوش وجنون کا، امپائر کے نوبال دینے پر کھلاڑیوں نے امپائر کو ہی قتل کرڈالا۔
رپورٹ کے مطابق کرکٹ کا میدان سجا ہوتو شائقین کے علاوہ کھلاڑیوں کا جذبہ بھی دیدنی ہوتا ہے لیکن بھارتی ریاست اوڑیسہ کے شہر کٹک میں کھلاڑی کھیل کے میدان میں ہوش کھو بیٹھے۔ کھیل کے دوران امپائر نے نوبال کیا دی کھلاڑی آپے سے باہر ہوگئے۔ کھلاڑیوں نے امپائر پرغلط نوبال دینے کا الزام لگایا اور اسکے ساتھ ہی 22 سالہ امپائر لکی راوٹ پرچاقو سے حملہ کرکے شدید زخمی کردیا۔
عینی شاہدین کا کہنا ہے کہ ملزم نے امپائر کو کھیت میں تیز دھار چاقو سے وار کیا تھا جس کے بعد کھیت میں موجود لوگوں نے ملزم کو پکڑ کر پولیس کے حوالے کر دیا ہے۔ یہ میچ دو ٹیموں برہما پور اور شنکر پور کے درمیان کھیلا جارہا تھا۔ واقعے کے بعد علاقے میں کشیدگی پھیل گئی جس کے بعد کسی بھی ناخوشگوار واقعہ سے بچنے کے لیے پولیس فورس تعینات کردی گئی ہے۔
ریسکیوٹیم نے زخمی امپائر کو ہسپتال منتقل کیا تاہم وہ خون زیادہ بہہ جانے کے باعث چل بسے۔پولیس نے ملزمان کیخلاف واقعے کا مقدمہ درج کرکے ملزمان کی تلاش شروع کر دی ہے۔