اے این ایف کا منشیات کے خلاف کارروائیوں کا سلسلہ جاری

ایک نیوز: اے این ایف کا منشیات کے خلاف کارروائیوں کا سلسلہ جاری،دوملزمان کوگرفتارکرلیاگیا۔
رپورٹ کے مطابق اے این ایف نے کارروائی کرتے ہوئے اسلام آباد انٹرنیشنل ائیرپورٹ پر فلائٹ نمبر PK 187 سے بحرین جانے والےملزم کے پیٹ سے 87 ہیروئن بھرے کیپسولز برآمد کرلئے۔منڈی بہاؤ الدین کےرہائشی ملزم کو گرفتار کرلیاگیاہے۔
دوسری جانب کوئٹہ کے علاقے کچلاک میں اے این ایف نے کارروائی کرتے ہوئے قلع عبداللّہ کے رہائشی ملزم سے 14 کلو چرس برآمد کرتے ہوئے ملزم کوگرفتار کرلیا۔
واضح رہے کہ ملزمان کیخلاف انسدادِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔