ویب ڈیسک: ہزاروں سال قبل ویسویئس آتش فشاں سے بچ جانے والے درجنوں قدیم رقعوں کو مصنوعی ذہانت کا استعمال کرتے ہوئے پڑھنے کی تیاری کر لی گئی ہے۔
2000 ہزار سال قبل پھٹنے والے اس آتش فشاں نے خلیج نیپلز کے کچھ شہروں کو راکھ تلے دفن کر دیا تھا، تباہ ہونے والے شہروں میں ہرکولینیم بھی شامل تھا ، جو پومپیو کے ساحل کے ساتھ موجود تھا۔
18 ویں صدی میں ایک ولا کی کھدائی کی گئی تھی ، جس میں موزائک، مجسمے اور دیگر فن پارے مکمل محفوظ حالت میں پائے گئے۔
اس کی خاصیت وہاں سے دریافت ہونے والے تقریبا 1000 پپائرس رقعے تھے (جس کی وجہ سے اس کوولا آف دی پپائری کا نام دیا گیا)، اگرچہ وہ صحیح حالت میں تھے لیکن ان پر کاربن جم گیا تھا۔
یہ ایک ایسا چیلنج ہے جس کا مقصد مصنوعی ذہانت کا استعمال کرتے ہوئے بند کیے گئے سیکڑوں سکرولز کو ورچوئلی کھولنا ہے۔
ماہرین کا خیال ہے کہ ان رقعوں کا تعلق جولیس سیزر کے سسر سے ہے۔
وہ ایپیکیورین فلسفی فلوڈیمس آف گیڈارا کے فلسفے کے حامی تھے ، جن کی اخلاقیات اور طبیعیات پر قدیم تحریریں کھنڈرات سے برآمد ہوئی تھیں۔
پپائری کو جسمانی طور پر بے نقاب کرنے کی متعدد کوششیں کی گئیں ، لیکن محدود کامیابی ملی۔