ایک نیوز: سری لنکا میں بارشوں کے باعث ایشیا کپ کے میچز متاثر ہونے کے حوالے چیرمین پی سی بی مینجمنٹ کمیٹی ذکا اشرف نے اے سی سی کے صدر جے شاہ سے رابطہ کر لیا ہے۔
رپورٹ کے مطابق سری لنکا میں پاک بھارت میچ بارش سے متاثر ہونے اور خراب موسم پر ذکا اشرف اور جے شاہ کی بات چیت ہوئی۔ ذکا اشرف نے کہا کہ سری لنکا میں مزید بارشوں کا امکان ہے، جس کے بعد ذکا اشرف نے ایشیا کپ کےباقی میچز پاکستان اور دبئی میں کروانے کی تجویز دے دی۔
ذکا اشرف نے کہا کہ ایشا کپ ایک بڑا ٹورنامنٹ ہے بارش کی وجہ سے اس کو متاثر نہ کیا جائے جس پر جے شاہ نے جواب دیا کہ تمام صورتحال کا بغور جائزہ لے رہے ہیں۔ ایشیا کپ کے کامیابی سے انعقاد کے حوالے سے فیصلے لئے جائیں گے۔