ایک نیوز:امریکا کی متعدد ریاستوں کو اس سال شدید گرم موسم کا سامنا ہوا مگر اس کا ایک انوکھا اثر ریاست ٹیکساس میں نظر آیا۔
تفصیلات کےمطابق ڈیلاس کے جنوب مغرب میں واقع ڈائنا سور ویلی اسٹیٹ پارک میں شدید خشک سالی کے نتیجے میں زمانہ قدیم کا 'خزانہ' سامنے آگیا۔
یہ ڈائنا سور کے قدموں کے نشانات تھے جو ماہرین کے خیال میں11 کروڑ سال پرانے ہیں۔
ڈائنا سور اسٹیٹ پارک کے ریٹیل منیجر پال بیکر نے بتایا کہ اس سے پہلے انہوں نے کبھی ڈائنا سور کے اتنے زیادہ قدموں کے نشانات نہیں دیکھے تھے۔
انہوں نے بتایا کہ یہ کسی خزانے کی تلاش جیسا ہے، ہمیں لگتا تھا کہ ہم یہاں ڈائنا سور کے قدموں کے تمام نشانات دیکھ چکے ہیں، مگر گزشتہ 2 سال کے دوران قحط سالی کے باعث بہت کچھ نیا سامنے آیا ہے۔
شدید قحط سالی کے باعث یہاں بہنے والا دریائے Paluxy مختلف مقامات پر مکمل طور پر خشک ہوگیا جس کے نتیجے میں ڈائنا سور کی مختلف اقسام کے 11 کروڑ سال پرانے پیروں کے نشانات سامنے آگئے۔
عام حالات میں یہ جگہیں پانی کے اندر چھپی ہوتی ہیں اور ان پر کیچڑ ہوتی ہے جس کی وجہ سے انہیں دیکھنا ممکن نہیں ہوتا۔
ماہرین کے مطابق ریاست ٹیکساس کے ایک تہائی سے زائد حصے کو اس سال شدید خشک سالی کا سامنا ہوا اور اس کے نتیجے میں ڈائنا سور اسٹیٹ پارک میں قدیم تاریخ کے نئے باب سامنے آگئے۔
پال بیکر نے بتایا کہ 'اس سال کا جون تاریخ کا گرم ترین جون تھا اور میں نے کبھی اس طرح اپنی 45 سالہ زندگی کے دوران دریا کو خشک ہوتے نہیں دیکھا'۔
ماہرین کے مطابق یہ نشانات ڈائنا سور کی 2 اقسام Acrocanthosaurus اور Sauropodseiden کے ہو سکتے ہیں۔
کیپشن: Millions of years old dinosaur footprints discovered due to drought