ایک نیوز: بھارت میں منعقدہ ورلڈ کیپٹنز ڈے پروگرام کے دوران میزبان کی جانب سے بریانی کےسوال پر پاکستان ٹیم کے کپتان بابراعظم نے دلچسپ جواب دیا ہے۔
رپورٹ کے مطابق میزبان نے کپتان سے سوال کیا کہ بابر بریانی کیسی تھی؟ سوال سن کر بابراعظم اپنی ہنسی پر قابو نہ رکھ سکے اور ہنستے ہوئے جواب دیا کہ ’’ہم 100 مرتبہ بتا چکے ہیں ، بریانی کافی اچھی رہی اور حیدرآباد سے متعلق یہ سن رکھا تھا بریانی اچھی ہے، اس لیے بریانی کھا کھا کر اچھا لگا‘‘۔
واضح رہے کہ ورلڈ کیپٹنز ڈے پروگرام کے لیے قومی ٹیم کے کپتان حیدر آباد سے خصوصی طیارے میں احمد آباد پہنچے تھے جہاں ان کی بھارتی ٹیم کے کپتان سمیت دیگر ٹیموں کے کپتانوں سے ملاقات بھی ہوئی۔کپتان بابر اعظم اور بھارتی ٹیم کے کپتان روہت شرما ہال میں ایک ساتھ اندر داخل ہوئے جسے شائقین نے خوب پسند کیا۔