ایک نیوز: عدالت نے مونس الہٰی کو گرفتار کر کے پیش کرنے کا حکم جاری کر دیا۔
تفصیلات کے مطابق ایف آئی اے منی لانڈرنگ کیس میں عدالت نے مونس الہٰی کے ناقابل ضمانت وارنٹ گرفتاری جاری کر کے 16 نومبر کو عدالت میں پیش کرنے کا حکم دیا ہے۔
خصوصی عدالت سینٹرل کے جج تنویر احمد شیخ نے گزشتہ روز کی سماعت کا تحریری حکم جاری کر دیا، جس کے مطابق مونس الہٰی کے قابل ضمانت وارنٹ گرفتاری پر عمل درآمد نہیں ہوا۔
تحریری حکم کے مطابق ایف آئی اے نے رپورٹ جمع کرائی کہ مونس الہٰی اسپین کے دیے گئے پتے پر موجود نہیں ہیں، مونس الہٰی کی گرفتاری کے لیے ناقابل ضمانت وارنٹ گرفتاری جاری کیے جاتے ہیں۔
عدالت نے ریمارکس دیئے کہ متعلقہ ایجنسیاں اور حکام مونس الہٰی کی گرفتاری کے لیے ضروری اقدامات کریں، ایف آئی اے مونس الہٰی کی لندن اور اسپین کی رہائش گاہوں پر ناقابل ضمانت وارنٹ کی تعمیل کرائے اور 16نومبر کو پرویز الہٰی کو بھی جیل سے لا کر عدالت میں پیش کیا جائے۔