ایک نیوز: وزیراعظم کے معاون خصوصی عطا تارڑ نے کہا کہ عمران خان کی ٹانگ ایک معمہ بن چکی ہے ان کا پلسترکبھی دائیں اور کبھی بائیں ٹانگ پر ہوتا ہے۔
تفصیلات کے مطابق وزیراعظم کے معاون خصوصی عطا تارڑ نے اسلام آباد میں پریس کانفرنس کرتے ہوئے کہا کہ عمران خان ایک مفرور ملزم اور کئی عدالتوں میں مطلوب ہے۔عدالتوں سے مرضی کی تاریخ لینے کی کوشش کرتا ہے، ضمانت کیلئے مقرر ہونیوالی تاریخ پرملزم کا پیش ہونالازم ہوتا ہے۔
عطا تارڑ نے کہا کہ عمران خان کے فارن فنڈنگ کا کیس 6 سال تک چلتا رہا اب وہ عدالتوں سے ریلیف لینے کا ماہرہوچکا ہےعمران خان مختلف حیلے بہانوں سے کیسز کو طول دیتا رہتا ہے،عطا تارڑ نے تنقید کرتے ہوئے کہا کہ چیئرمین پی ٹی آئی کا پلسترکبھی دائیں اور کبھی بائیں ٹانگ پرہوتا ہے ان کی ٹانگ ایک مشکوک ٹانگ ہے۔شوکت خانم کےعلاوہ کسی اوراسپتال جانے کو تیار نہیں ہیں، عمران خان کی ٹانگ ایک معمہ بن چکی ہے، دنیا میں بزدلی کا کوئی علاج نہیں ہے۔