ایک نیوز: پاکستان پیپلز پارٹی کے چیئرمین اور وفاقی وزیر خارجہ بلاول بھٹو زرداری بھارت پہنچ گئے، وہ شنگھائی تعاون تنظیم کے وزرائے خارجہ اجلاس میں شرکت کریں گے۔
He is here in Goa and speaks with clarity of purpose.
— Murtaza Solangi (@murtazasolangi) May 4, 2023
@BBhuttoZardari pic.twitter.com/vdKR8HK1oa
تفصیلات کے مطابق وزیر خارجہ بلاول بھٹو زرداری شنگھائی تعاون تنظیم کے وزرائے خارجہ اجلاس میں شرکت کیلئے بھارتی شہر گووا پہنچ گئے۔ چین کے وزیر خارجہ بھی بھارت کے شہر گوا پہنچ گئے۔ پاکستان اور چین کے وزیر خارجہ کی آج گوا میں ملاقات بھی ہوگی۔
#WATCH | Pakistani Foreign Minister Bilawal Bhutto Zardari arrives in Goa for Shanghai Cooperation Organisation's (SCO) foreign ministers' meeting. pic.twitter.com/SQDFgEaDND
— ANI (@ANI) May 4, 2023
پاکستان نے فضائی حدود استعمال کرنے کیلئے بھارتی سول ایوی ایشن اتھارٹی سے رابطہ کیا تھا جس پر بھارت نے بلاول بھٹو زرداری کے طیارے کے گووا جانے کیلئے فضائی حدود استعمال کرنے کی اجازت دے دی۔
بلاول بھٹو زرداری نے بھارت روانگی سے قبل اپنے ایک ویڈیو بیان میں کہا کہ میں بھارت میں ہونیوالی شنگھائی تعاون تنظیم کے اجلاس میں پاکستانی وفد کی سربراہی کروں گا، گووا جانا واضح پیغام ہے کہ پاکستان ایس سی او کے چارٹر کو کتنی اہمیت دیتا ہے۔
"I am going to India to attend the SCO Council of Foreign Ministers' meeting to showcase to the world the significance Pakistan holds to this platform & our membership. I intend to hold meaningful dialogue representing Pakistan."
— PTV News (@PTVNewsOfficial) May 4, 2023
- Foreign Minister @BBhuttoZardari pic.twitter.com/FElWLJRLof
شنگھائی تعاون تنظیم کے وزرائے خارجہ اجلاس میں بلاول بھٹو زرداری دیگر ممالک کے نمائندوں سے بھی ملاقاتیں کریں گے۔
واضح رہے کہ پاکستان کے کسی بھی وزیر خارجہ کا یہ 12 سال میں پہلا دورۂ بھارت ہے، بلاول بھٹو زرداری 5 مئی کو ایس سی او وزرائے خارجہ اجلاس میں شرکت کے بعد وطن واپس پہنچیں گے۔
FM @BBhuttoZardari has arrived in #Goa to participate in the #SCO Council of Foreign Ministers. #PakFMatSCO pic.twitter.com/i8nfBHOXOZ
— Spokesperson ???????? MoFA (@ForeignOfficePk) May 4, 2023
بھارت روانگی سے قبل وزیر خارجہ بلاول بھٹو زرداری نے جمعیت علمائے اسلام کے سربراہ مولانا فضل الرحمان، ایم کیو ایم پاکستان کے کنوینر خالد مقبول صدیقی، امیر جماعت اسلامی سراج الحق، بلوچستان نیشنل پارٹی کے سربراہ اختر مینگل، طاہر بزنجو کو فون کیا۔
بلاول بھٹو زرداری نے تمام رہنماؤں کو شنگھائی تعاون تنظیم اجلاس میں شرکت کیلئے بھارت کے دورے سے متعلق اعتماد میں لیا۔