ایک نیوز: پشاور میں خیبر پختونخوا بار کونسل ایگزیکٹو باڈی اجلاس میں بڑا فیصلہ کرتے ہوئے وکالت کا لائسنس حاصل کرنے کے لئے ختم نبوت سرٹیفکیٹ لازمی قرار دے دیا گیا ہے۔
تفصیلات کے مطابق چئیرمین ایگزیکٹو کمیٹی خیبرپختونخوا بار کونسل کا کہنا ہے کہ لائسنس درخواست سےقبل ختم نبوت سرٹیفکیٹ جمع کروانا لازمی ہوگا۔اس حوالے سے کے پی بار کونسل ایگزیکٹو کمیٹی نے سرکلر جاری کردیا ہے۔
سرکلرمیں کہا گیا ہے کہ نئے وکلاء کو لائسنس جاری کرنے سے قبل ختم نبوت کا سرٹیفیکٹ جمع کروایا جائے گا۔سرکلرکے متن کے مطابق نیا آنے والا وکیل تحریری طور پر اس بات کا اقرار کرے گا کہ وہ کسی قادیانی یا لاہوری گروپ سے تعلق نہیں رکھتا ہے۔