ایک نیوز:سونے کی فی تولہ قیمت میں 4 ہزار 800 روپے کا اضافہ ہوگیاہے۔
تفصیلات کے مطابق سونے کی نئی قیمت 4ہزار 800روپے اضافے کے بعد 3 لاکھ 6 ہزار 300 روپے فی تولہ ہوگئی ہے۔
10 گرام سونا 4ہزار 115 روپے مہنگا ہوا، جس کے بعد 10گرام سونا 2 لاکھ 62 ہزار 602 روپے پر پہنچ گیا ، جبکہ عالمی مارکیٹ میں سونا 47 ڈالر کے اضافے سے 2916 ڈالر فی اونس کا ہوگیا ہے۔
دوسری جانب چاندی کی قیمت میں 45 روپے اضافہ ہوا ، جس کے بعد چاندی کی نئی قیمت 3 ہزار 315 روپے ہوگئی ہے۔
یاد رہے کہ گزشتہ روز سونے کی قیمت میں 1500 کا اضافہ ہواتھا ، جس کے بعد سونے کی قیمت 3لاکھ ایک ہزار 500روپے فی تولہ پر پہنچ گئی تھی۔