پارلیمانی لیڈر پیپلزپارٹی حسن مرتضیٰ نے ن لیگ کو کھری کھری سنادیں

پارلیمانی لیڈر پیپلزپارٹی حسن مرتضیٰ نے ن لیگ کو کھری کھری سنادیں
کیپشن: Parliamentary leader of PPP Hasan Murtaza condemned the PML-N

ایک نیوز :پارلیمانی لیڈر پیپلزپارٹی حسن مرتضیٰ کاکہنا ہے   ن لیگ کو نہ وزیراعلیٰ اور نہ ہی وزیراعظم کے لیے شریفوں کے علاوہ کوئی امیدوار ملتا ہے۔
 پیپلز پارٹی پنجاب نے اپنی توپوں کا رُخ اچانک اپنی حکومتی اتحادی جماعت مسلم لیگ ن کی طرف کردیا۔پی پی پنجاب کے سینئر رہنما حسن مرتضیٰ نے مسلم لیگ ن کو گھر کی جماعت قرار دیتے ہوئے کہا کہ ن لیگ کو نہ وزیراعلیٰ اور نہ ہی وزیراعظم کے لیے شریفوں کے علاوہ کوئی امیدوار ملتا ہے۔ شریف اقتدار سے اتریں تو ملک سے باہر چلے جاتے ہیں۔ عمران خان ہوں یا شریف برادران دونوں کی اولادیں ملک سے باہر بستی ہیں۔

رہنما پیپلز پارٹی نے دعویٰ کیا کہ حمزہ شہباز کو وزیراعلیٰ بنانے کی وجہ سے لاہور میں ن لیگ کی مقبولیت کم ہوئی، حمزہ کے جانے پر کسی نے احتجاج تک نہیں کیا۔